टोकियो । जापानमा पाँच दिने ‘गोल्डेन विक’ सुरु भएसँगै बिदा मनाउने यात्रुको भिडभाड बढेको छ ।
जापानका सडकहरू, रेल स्टेशनहरू र विमानस्थलहरूमा शनिबार बिदा मनाउन आफ्नो गृहनगरतर्फ जाने आन्तरिक तथा बाह्य यात्रुका कारण भीडभाड देखिएको थियो ।
नयाँ वर्ष र गर्मीको ओबोन बाहेक जापानको सबैभन्दा व्यस्त बिदाको सिजन, गोल्डेन विक अप्रिलको अन्त्यमा सुरु भएको हो । जसमा शनिबारले चार लगातार राष्ट्रिय बिदाहरूसहितको पछिल्लो आधा भागलाई जनाउँछ ।
जेआर टोकियो स्टेशनमा भेटिएको चिबा प्रिफेक्चरको एक परिवारले उनीहरू पश्चिमी जापानको क्योटो र नारा प्रिफेक्चरहरूको भ्रमणमा जान लागेको बताए ।
ओसाकामा जेआर सिन–ओसाका स्टेशनमा स्टेशनका कर्मचारीहरू टिकट गेट नजिक ग्राहकहरूलाई मार्गनिर्देशन गर्न व्यस्त देखिन्थे भने स्टेशन भवनमा मानिसहरू उपहारहरू किन्न लाइनमा बसेका थिए ।
जेआर इस्टका अनुसार तीव्र हावा र ढलेको रुखका कारण टोकियो र यामागाता प्रिफेक्चरको सिन्जो स्टेशन बीचको यामागाता सिन्कानसेन लाइन सञ्चालनमा अवरोध हुँदा यात्रुहरुलाई समस्या भएको थियो ।