जापानमा शनिबार थप २७ हजार ३७१ जना नयाँ कोरोना संक्रमित फेला परेका छन् । यो शुक्रबारको तुलनामा १ हजार २४४ ले कम हो । टोकियोमा मात्रै शनिबार १ हजार ७५२ जना संक्रमित थपिएका छन् ।
टोकियोमा पनि शुक्रबारको तुलनामा १७० जना कम संक्रमित फेला परेका हुन् ।
शनिबार जापानमा ३१४ जना र टोकियोमा मात्रै २२ जना कोरोना संक्रमित स्वास्थ जटिलताका कारण अस्पताल भर्ना भएका छन् ।
शनिबार जापानमा कोरोना संक्रमणबाट १८१ जनाको मृत्यु भएको छ ।
कोरोना संक्रमितको संख्यामा कमी आइरहँदा जापान सरकारले १३ मार्चदेखि मास्क अनिवार्य लगाउनुपर्ने नियम समेत खारेज गर्ने तयारी गरिरहेको छ ।
त्यसपछि मास्क सबै स्थानमा लगाउनुपर्ने नियम स्वेच्छिक हुनेछ । यद्यपि गम्भीर रोग भएका र वृद्धवृद्धाले भने मास्क लगाउनु उचित हुनेछ ।
