जापानमा शृङ्खलाबद्ध चोरी डकैती गराउने समूहका चार जनालाई फिलिपिन्सले जापानलाई सुपुर्दगी गरेको छ ।
वातानाबे युकी र कोजिमा तोमोनोबुलाई जालसाजीको आशंकामा फिलिपिन्सको विमानस्थलबाट पक्राउ गरिएको थियो । उनीहरुलाई बिहीबार टोकियो ल्याइएको हो ।
प्रहरीका अनुसार उनीहरुले सन् २०१९ मा एक व्यक्तिको दुई वटा कार्ड चोरेर आफूलाई वित्तीय सेवा एजेन्सीको अधिकारी भन्दै उनीसँग सम्पर्क गरेका थिए ।
अन्य दुई संदिग्ध फुजिता तोशिया र इमामुरा कियोतो मंगलबार जापान फर्किएका थिए ।
प्रहरीका अनुसार यी चारै जनाले वातानाबेको इशारामा फिलिपिन्सबाट जापानमा टेलिफोन गरी लुटपाटका घटना घटाएका थिए ।
अनुसन्धानकर्ताका अनुसार यो समूहले ६ अर्ब येन अर्थात करिब ४.५ करोड डलरभन्दा अधिक रकम चोरी गरेका थिए।
