जापानमा शनिबार एकैदिन कोरोना भाइरसबाट ५४ हजार ७८२ जना नयाँ संक्रमित भएको पुष्टि भएको छ ।
यो तथ्यांक शुक्रबारको तुलनामा ८७१ जनाले बढी हो ।
राजधानी टोकियोमा मात्रै शनिबार ४ हजार ५१५ जनामा कोरोना संक्रमण पुष्टि भएको छ । टोकियोमा पनि शुक्रबारको भन्दा संक्रमितको संख्या २१८ ले बढेको हो ।
कोरोनाबाट गम्भीर बिरामी भएर ५३३ जना अस्पताल भर्ना भएका छन् ।
यस्तै संक्रमणका कारण थप ३३८ जनाको मृत्यु भएको स्वास्थ्य अधिकारीहरुले जानकारी दिएका छन् ।