जापानमा पछिल्लो २४ घन्टामा १ लाख १० हजार ४८० जना कोरोना भाइरसका नयाँ संक्रमित फेला परेका छन् ।
सोही अवधिमा कोरोना भाइरसबाट १६७ जनाको मृत्यु भएको छ । जापानमा कोरोना भाइरस संक्रमण बढे पनि निको हुने दर पनि उच्च रहेको छ ।
पछिल्लो २४ घन्टामा जापानमा १ लाख ८१ हजार ३३१ जना कोरोना भाइरसमुक्त भएका छन् । यसअघि सोमबार जापानमा कोरोना भाइरसबाटठ १५५ जनाको मृत्यु भएको थियो भने १ लाख ६९ हजारभन्दा बढी संक्रमित भएका थिए ।
जापानमा हालसम्म १ करोड ५६ लाख १५ हजार २५१ जना संक्रमित भइसकेका छन् भने ३५ हजार १५६ जनाको मृत्यु भइसकेको छ ।
जापानमा हाल २ लाख, १८ हजार ६८६ जना सक्रिय संक्रमित छन् । संक्रमित मध्ये ६०७ जनाको अवस्था गम्भीर छ ।