युएईमा नेपाली युवाले जिते साढे ३ करोडको चिठ्ठा

संयुक्त अरब इमिरेड्स (युएई)मा एक नेपाली युवाले साढे ३ करोड नेपाली रुपैयाँ बराबरको चिठ्ठा जितेका छन् ।

वैदेशिक रोजगारीका लागि युएईमा रहेका २९ वर्षीया तुलसी नाम गरेका युवाले ३ करोड ६२ लाख बराबरको चिठ्ठा जितेको गल्फ न्युजले जनाएको छ ।

महजुजले आयोजना गर्ने साप्ताहिक चिठ्ठाको गत शनिबारको १४१औं खेपमा उनले चिठ्ठा जित्न सफल भएका हुन् । उनी डेढ वर्षदेखि चिठ्ठा खरिद गर्दै आएका थिए ।

तुलसी ११ वर्षदेखि युएईमा निर्माण कम्पनीमा प्राविधिकका रुपमा कार्यरत रहेको जनाइएको छ । उनीसँगै ४४ वर्षीय सुडानी नागरिक अगिबले ५० हजार दिराम बराबरको सुनको सिक्का जितेका छन् ।

चिठ्ठा जितेको खबर तुलसीले इमेलमार्फत पाएका थिए । यो रकमले अब नेपालमा घर बनाउने तुलसीको सपना रहेको बताएको गल्फन्युज डटकमले उल्लेख गरेको छ ।

यो खबर पढेर तपाईलाई कस्तो महसुस भयो ?