टोकियो । जापान सरकारका अधिकारीहरुले आगामी महिना टोकियोमा हुने भनिएको जापान, चीन र दक्षिण कोरियाबीचको त्रिपक्षीय शिखर सम्मेलन स्थगन हुने सम्भावना बढेको बताएका छन् । 
सरकारी अधिकारीका अनुसार जुलाईमा त्रिदेशीय शिखर वार्ताको तयारी गरिएको थियो ।
तर, अमेरिकाले दक्षिण कोरियामा अत्याधुनिक मिसाइल रक्षा प्रणाली थाड जडान गरेसँगै चीन र कोरियाबीच समबन्ध चिसिएको छ ।
यही कारण दुई देशका नेताहरु उक्त सम्मेलनका लागि अनिच्छुक देखिएका छन् ।
जापानले त्रिदेशीय साझेदारी गर्दै प्रशान्त क्षेत्रमा देखिएको विवाद समाधानको प्रयास थालेको थियो ।
