टोकियो । जापानका सार्वजनिक विद्यालयमा ३४ हजार ३ सय ३५ विदेशी विद्यार्थीले जापानी भाषाको तालिम लिएको यहाँको शिक्षा मन्त्रालयको एक सर्वेक्षणले देखाएको छ । 
सन् २०१६ को तथ्यांक अहिले प्रकाशित भएको हो र यसले जापानमा अघिल्लो वर्षको तुलनामा विदेशी विद्यार्थीको संख्या ४० प्रतिशतले वृद्धि भएको देखाउँछ ।
जापानमा सन् २०२० मा हुन लागेको ओलम्पिक र पारालिम्पिक प्रतियोगिताका लागि जनशक्तिको खाँचो भएको बेलामा विदेशी कामदारको संख्यामा वृद्धि भएको मन्त्रालयको निष्कर्ष छ ।
जापानमा नेपाली विद्यार्थी तथा कामदारको संख्या पनि क्रमशः बढ्दै गएको छ ।
