टोकियो । लोक संस्कृतिको जगेर्ना गर्नुको साथै गोरखा वारपाकका भूकम्प पिडितहरुलाई सहयोग गर्ने उदेश्यले जापानमा घुम्टे नौमती बाजा समूहले लाईभ सांगीतिक रमझम साँझ कार्यक्रम गर्ने भएको छ ।
अप्रिल २४ तारिख आईतवारमा सम्पन्न हुने सो कार्यक्रममा नेपाली कलाकर्मीहरुको बेजोड प्रस्तुति रहने आयोजकले जनाएको छ ।
सो कार्यक्रममा नेपाली कलाकारहरु कालीका रोका, सबिना गुरुङ र मदन थापा सहीत जापानमा रहेका चर्चित कलाकारहरु र घुम्टे नौमती बाजा समुह जापान को पनि विशेष सांगीतिक रमझम प्रस्तुत हुने घुम्टे नौमती बाजा समुहका संयोजक चन्द्र खत्रीले जानकारी गराएका छन् ।
सो कार्यक्रममा उपस्थित भई नेपाली लोक संस्कृतिको रक्षा र जगेर्ना गर्ने अभियानलाई सहयोग पुराउन आयोजकले अनुरोध समेत गरेको छ ।
कार्यक्रम गर्ने मिति, समय र स्थान
मिति :२०१६ अप्रिल २४, आईतवार
समय : बेलुका ५ बजेदेखि ९:३० बजे सम्म
स्थान : टोसिमा कुमिन सेन्टर हल (Toshima kumin center hall)
ठेगाना : टोकियो, टोसिमा- कु हिगासी (Tokyo-to,Toshima-Ku Higasi Ikebukuro 1-20-10)
समपर्क नम्बर : 080-4674-3670, 090 5015 4384
