टोकियो । नेपाल, जापान तथा विभिन्न देशमा रहेका नेपाली समुदायमा आइपर्ने समस्याको समाधान, सहयोग तथा सामाजिक कार्यको उद्देश्यसहित सहित जापानको शिजुओका क्षेत्रमा रहेका नेपालीहरुको सक्रियतामा एभरेस्ट–फुजी सोसाइटी जापान गठन भएको छ ।
विशेषगरी प्रवासमा रहँदा नेपालीहरुलाई विभिन्न समयमा पर्ने गरेको समस्या समाधानमा सहयोगी बन्ने भावना लिएर आइतबार शिजुओका केनको हामामात्चुस्थित नेपाली रेस्टुरेन्ट एभरेस्ट नान हाउसमा भएको भेलाले शुक्र राईको अध्यक्षतामा सोसाइटी गठन गरेको हो ।
सोसाइटीको उपाध्यक्षमा भुपेन्द्र कुमार गोले, सचिवमा निराजन भण्डारी, सह सचिवमा मनिष घिमिरे, कोषाध्यक्षमा कमल घिमिरे तथा सह कोषाध्यक्षमा राजेश थापा चयन भएका छन् ।
त्यस्तै सोसाइटीको सदस्यहरुमा दीपिन्शा रानाभाट, जयन्ती श्रेष्ठ, सोम ढकाल, बील गुरुङ, महेश चापागाईं, रबिन्द्र भुसाल, रेशम सुनार, कमल श्रेष्ठ र इश्वर ढकाल तथा सल्लाहकारमा केबी लिम्बु रहेका छन् ।
