टोकियो l जापानमा दीर्घकालीन रूपमा बसोबास गरिरहेका विदेशी नागरिकहरूको लागि स्थायी बसोबास अनुमति (Permanent Residency – PR) प्राप्त गर्नको लागि भिसा प्रक्रिया गर्नेहरुको संख्या बढिरहेको छ । जापानको आप्रवासन सेवा एजेन्सी (Immigration Services Agency) का अनुसार, इच्छुक आवेदकहरूले तोकिएका मापदण्ड र आवश्यक कागजातहरू पूरा गरी PR का लागि निवेदन दिन सक्ने छन् । स्थायी बसोबासको अनुमति प्राप्त गरेपछि विदेशी नागरिकहरूलाई जापानमा बसोबास गर्न, काम गर्न र व्यवसाय सञ्चालन गर्न पूर्ण रुपमा स्वतन्त्रता प्राप्त हुनेछ ।

स्थायी बसोबास (PR) भनेको के हो ?
स्थायी बसोबास अनुमति (Permanent Residency – PR) भनेको जापान सरकारले विदेशी नागरिकहरूलाई प्रदान गर्ने एक विशेष प्रकारको रेसिडेन्स स्टाटस हो, जसले PR प्राप्त गरी लामो समय जापानमा बस्न, काम गर्न, व्यवसाय सञ्चालन गर्न र सामाजिक सेवा उपयोग गर्न अनुमति दिन्छ । यो अनुमति प्राप्त गरेपछि बारम्बार भिसा नविकरण गर्नु नपर्ने सुविधा हुन्छ । यो एक प्रकारको विशेष रेसिडेन्स स्टाटस हो जसले भविष्यमा भिसा नविकरणको झन्झटबाट मुक्ति दिन्छ । साथै, आवेदकले अन्य विदेशी नागरिकहरू भन्दा धेरै सुविधा पाउँछन्  ।

PR आवेदनको लागि मुख्य योग्यता (Eligibility Criteria):
1. जापानमा बसोबास अवधि

   – सामान्यतया जापानमा कानुनी रूपमा निरन्तर 10 वर्ष बसोबास गरेको हुनु पर्छ ।
   – यदि तपाईं PR holder का spouse वा जापानी नागरिकका spouse वा Highly Skilled Professional (HSP) हुनुहुन्छ भने यो अवधि १–५ वर्षमा घट्न सक्छ ।

2. स्थिर आय र कर भुक्तानी

   – नियमित आय स्रोत हुनु अनिवार्य छ ।
   – पछिल्ला ३–५ वर्षको आयकर (住民税,所得税) सही रूपमा तिरेको प्रमाण हुनु पर्ने छ  ।

3. राम्रो व्यवहार (Good Conduct)
   – जापानी कानूनको पालना गरेको र कुनै आपराधिक रेकर्ड नभएको पुष्टि हुनु पर्छ  ।

4. स्वतन्त्र जीवनयापन गर्न सक्ने क्षमता

   – जापान सरकारको सहायताविना जीवनयापन गर्न सक्ने प्रमाण हुनु आवश्यक छ ।

आवश्यक कागजातहरूको सूची:

कागजात	विवरण
PR आवेदन फाराम	आप्रवासन कार्यालयबाट प्राप्त हुने फारम
पासपोर्ट र रेसिडेन्ट कार्ड	वैध अवधीसहितको
आय प्रमाणपत्र (収入証明書)	कम्पनी वा कर कार्यालयबाट
कर तिरेको प्रमाणपत्र (納税証明書)	पछिल्ला ३–५ वर्षको
बैंक स्टेटमेन्ट	आर्थिक स्थायित्व देखाउने
जुमिनह्यो (住民票)	आवेदक र परिवार सदस्यहरूको विवरण
स्पष्टीकरण पत्र (理由書)	आवेदनको उद्देश्य स्पष्ट पार्ने पत्र
विवाह दर्ता प्रमाण पत्र  (यदि spouse category मा आवेदन)	वैधानिक वैवाहिक प्रमाणपत्र
रोजगारीको प्रमाण पत्र	काम गर्ने कम्पनीबाट

आवेदन प्रक्रिया:
1. कागजातहरू संकलन गर्नुहोस् ।
2. नजिकको Regional Immigration Office मा निवेदन पेश गर्नुहोस् ।
3. प्रक्रिया समय – सामान्यतया 1 वर्ष देखि १५/१६ महिना लाग्न सक्छ ।
4. स्वीकृति भएमा नयाँ Residence Card मा “永住者” को उल्लेख सहित PR प्राप्त हुन्छ ।

विशेष सल्लाह:
– Highly Skilled Professional (HSP) को आधारमा PR आवेदन गर्ने हो भने Point Calculation Sheet तयार गर्नु आवश्यक हुन्छ ।
– Japanese Spouse को आधारमा आवेदन गर्दा विवाह सम्बन्ध प्रमाणित गर्ने अतिरिक्त कागजातहरू माग्न सक्छन् ।

PR सम्बन्धी विस्तृत जानकारी जापानको आप्रवासन विभागको वेबसाइटमा उपलब्ध छ:
👉 https://www.moj.go.jp/isa/