जापानका प्रधानमन्त्री फुमियो किशिदाले अपहरणमा परेका जापानी नागरिकलाई फिर्ता गराउन उत्तर कोरियाली नेता किम जोङ उनसँग चाँडोभन्दा चाँडो शिखर वार्ता गर्ने चाहाना व्यक्त गरेका छन् ।
उनले शिखर वार्ताका लागि दुई देशबीच उच्च तहको छलफल गर्न चाहेको पनि उल्लेख गरेका छन् ।
सन् १९७० र १९८० को दशकमा उत्तर कोरियाले अपहरण गरेका जापानी नागरिकको फिर्ताको माग गर्दै टोकियोमा भएको भेलामा किशिदाले किमसँग बिनासर्त वार्ता गर्न आफू प्रतिबद्ध रहेको बताएका छन् ।
आफ्नो सरकारले उत्तर कोरियासँग वार्ताको मार्ग प्रशस्त गर्न उच्च तहमा वार्ताको लक्ष्य राखेको उ犀利士5mg नको भनाई छ ।
जापानले १७ जना नागरिकलाई उत्तर कोरियाले अपहरण गरेको तथा अन्य धेरै बेपत्ता हुनुमा पनि प्योङयाङको हात रहेको हुनसक्ने आशंका गरेको छ । हराएकामध्ये सन् २००२ मा ५ जना फर्किए पनि अन्य १२ जना अझै बेपत्ता छन् ।
किशिदाले प्योङयाङसँग फलदायी सम्बन्ध स्थापना गर्नु दुवै पक्षको हितमा हुने र क्षेत्रीय स्थायित्व तथा शान्तिका लागि पनि योगदान हुने बताए ।
जापानले अपहरणमा परेका नागरिक फिर्ता भएका उत्तर कोरियालाई मानवीय सहायताको विरोध नगर्ने बताउँदै आएको छ ।
उत्तर कोरियाले भने सन् २००२ मा फिर्ता गरेका बाहेक आफूहरुसँग कुनै जापानी नरहेको भन्दै वार्ता अस्वीकार गर्दै आएको छ ।
