टोकियो । जापानकी प्रधानमन्त्री तथा लिबरल डेमोक्रेटिक पार्टीकी अध्यक्ष सानाए ताकाइची सत्तामा आएपछि उनको पार्टीले अघिल्ला दुई राष्ट्रिय चुनावमा गुमाएका रुढीवादी मतदाताहरू पुनः फिर्ता ल्याउने अपेक्षा गरिएको थियो ।
तर आउँदो प्रतिनिधि सभा अर्थात् लोअर हाउस चुनाव नजिकिँदै जाँदा ती रुढीवादी मतहरू पुनः लिबरल डेमोक्रेटिक पार्टीतर्फ फर्किने या नफर्किने भन्ने विषय अझै अनिश्चित बन्दै गएको छ ।
हालैका सर्वेक्षणअनुसार प्रधानमन्त्री सानाए ताकाइचीको व्यक्तिगत लोकप्रियता दर उच्च रहे पनि त्यसको प्रत्यक्ष प्रभाव पार्टीको समर्थन दरमा भने अपेक्षित रूपमा देखिएको छैन । यसले सत्तारुढ दलभित्रै पनि चिन्ता बढाएको छ ।
राजनीतिक विश्लेषकहरूका अनुसार साना रुढीवादी दलहरूले आक्रामक चुनावी रणनीति अपनाउँदा सानाए ताकाइचीले लक्षित गरेका रुढीवादी मतहरू विभाजित हुने सम्भावना बढेको छ ।
यस्तो अवस्थामा ती मतहरू लिबरल डेमोक्रेटिक पार्टीको सट्टा अन्य साना दलतर्फ जान सक्ने अनुमान गरिएको छ ।
यसले गर्दा आगामी लोअर हाउस चुनावमा प्रधानमन्त्री ताकाइचीको नेतृत्वमा रहेको पार्टीले कस्तो नतिजा ल्याउने हो भन्ने विषय जापानको राजनीतिक वृत्तमा चासोको केन्द्र बनेको छ ।
