जापानद्वारा २० खर्ब येनको महंगी राहत प्याकेज घोषणा

जापान सरकारले २० खर्ब येन बराबरको महंगी राहत योजना घोषणा गरेको छ ।

बुधबार महंगी नियन्त्रणसम्बन्धी सरकारी कार्याबलको बैठकले महंगीका कारण घरपरिवार र व्यवसायमाथि परेको भार कम गर्न ल्याइएको राहत प्याकेजलाई स्वीकृति दिएको हो ।

यो राहत योजनाअनुसार न्युन आय भएका परिवारलाई ३० हजार नगद तथा बालबालिका हुर्काइरहेका परिवारलाई हरेक बच्चा बराबर ५० हजार येन दिइने प्रस्ताव गरिएको छ ।

सरकारले मेदेखि हरेक घरपरिवारले विजुलीको महसुलका साथमा तिर्दै आएको अतिरिक्त शुल्क पनि घटाउने योजना बनाएको छ ।

यो योजनाका लागि सरकारले चालु आर्थिक वर्षको बजेटबाट सञ्चिति कोषमा विनियोजन गरेको बजेट चलाउने भएको छ ।

यो योजनाले जनतामा महंगीको भार कम हुने सरकारको विश्वास छ । यो प्याकेजलाई मन्त्रिपरिषदले स्वीकृत गरेपछि लागू हुनेछ ।

यो खबर पढेर तपाईलाई कस्तो महसुस भयो ?