२० पुस, पश्चिम रूकुम । रुकुम पश्चिमको सानीभेरी गाउँपालिका वडा नं. ९ सिम्लीमा ट्रयाक्टर दुर्घटनामा १ जनाको मृत्यु भएको छ ।
ट्रयाक्टर करिब ३० मिटर तल खसेको स्थानीयवासीले जनाएका छन् । दुर्घटनामा रुकुम पश्चिम आठबीसकोट नगरपालिका-११ गोइरीका प्रेम कामीको मृत्यु भएको हो ।
सोही ठाउँका उत्तम कामी, गणेश पुन र कैलाली घर भएका ट्रयाक्टर चालक रामसागर चौधरी घाइते भएका छन् ।
आठबीसकोट घर भएका दलिबहादुर विक सामान्य घाइते भएको घाइतेका आफन्त प्रेम विकले जानकारी दिए ।
