विष्णु तिवारी । नेपालमा भएका सहायक कम्पनीबाट टोकियो मुख्य कार्यालयमा तीन वर्षका लागि स्थानान्तरण भई आउनु भएका नेपाली हुनुहुन्छ तर उहाँ के भिसामा आउनु भएको छ ?
हामीले नेपाली मुख्यालयबाट जापानमा भएको सहायक कम्पनीमा कर्मचारीहरूको संख्या बढाउने निर्णय गरेका छौं, उहाँहरूलाई कुनै भिसा समस्याबिना जापानी सहायक कम्पनीमा काम गर्न सम्भव छ ?
माथिको जस्तो अवस्थामा आवश्यक भिसा अन्तर–कम्पनी स्थानान्तरण (intra–company transfer)हो ।
यस पटक हामीले अन्तर–कम्पनी स्थानान्तरण भिसा सम्बन्धी लेख्ने प्रयास गरेका छौँ ।
सरल भाषामा भन्नुपर्दा विदेशी कार्यालयबाट सरुवा भएका कर्मचारीहरूका लागि दिइने भिसा हो । जापानमा प्रधान कार्यालय वा शाखा भएका विदेशी कम्पनीहरूलाई निश्चित समयका लागि जापानको कार्यालयमा स्थानान्तरण गरी प्राकृतिक विज्ञान, मानविकी, इन्जिनियरिङ, मार्केटिङ, अनुवाद र अन्तर्राष्ट्रिय व्यापारसँग सम्बन्धित काममा संलग्न हुन अनुमति पाउने हुन्छ । यो बारेमा थाहा हुने व्यक्तिले मानविकी/अन्तर्राष्ट्रिय सेवा इन्जिनियर/विशेषज्ञ भिसा पनि ठीक भन्ने हुन सक्छ ।
तर सबैभन्दा ठूलो भिन्नता भनेको यो भिसामा शैक्षिक योग्यताको आवश्यकता पर्दैन । अन्तर–कम्पनी स्थानान्तरणको भिसाअनुसार शैक्षिक योग्यताको आवश्यकता नपर्ने र कम्पनीको विकासका लागि उत्कृष्ट प्रतिभा भएको कर्मचारी बोलाउन सकिन्छ ।
अन्तर–कम्पनी स्थानान्तरण भिसाका लागि आवश्यकताहरू मुख्य रुपमा २ वटा छन् ।
१. सरुवा हुनुभन्दा अघि विदेशमा रहेको मुख्य कार्यालय वा शाखामा मानविकी/अन्तर्राष्ट्रिय सेवा इन्जिनियर/विशेषज्ञ सम्बन्धी काममा संलग्न भएको हुनुपर्दछ ।
२. माथिको काममा एक वर्ष भन्दा बढी समयदेखि निरन्तर संलग्न भएको हुनुपर्दछ ।
अन्तर–कम्पनी स्थानान्तरण भिसामा कति वर्ष जापानमा बस्न मिल्छ ?
अन्तर–कम्पनी स्थानान्तरण भिसामा जापानमा ५ वर्ष, ३ वर्ष, १ वर्ष वा ३ महिना बस्न मिल्छ ।
स्थानान्तरणको अवधि अग्रिम निर्णय भई आवेदन दिने हुनाले बस्ने अवधि मूलतः योजनाअनुसार हुनेछ ।
अग्रिम योजना गरिए विपरीत यदि बस्ने अवधि थप गर्नु पर्ने भएमा भिसा विस्तार गर्न सम्भव हुन्छ । यस्तो अवस्थामा बस्ने अवधि विस्तारको लागि आवेदन दिनु पर्दछ र विस्तार गर्नुपर्ने कारण पनि देखाउनु पर्ने हुन्छ ।
इन्ट्रा–कम्पनी स्थानान्तरणसँग सम्बन्धित स्थानान्तरण
सामान्यतया एउटै कम्पनीभित्र स्थानान्तरणको कल्पना गर्न सकिन्छ । तर निम्न सबै केसमा स्थानान्तरणहरू लागू गर्न सकिन्छ ।
१.मूल कम्पनी र सहायक कम्पनीबीच स्थानान्तरण
२. प्रधान कार्यालय, शाखा कार्यालयहरू र बिक्री कार्यालयहरूबीच स्थानान्तरण
३. मूल कम्पनी र सहायक कम्पनीबीच अनि सहायक र उप–सहायक बीच स्थानान्तरण
४. सहायक कम्पनीहरूबीच स्थानान्तरण
५.उप–सहायक कम्पनीहरूबीच स्थानान्तरण
६.सम्बद्ध कम्पनीमा स्थानान्तरण
नेपालबाट जापानको मुख्य वा शाखा कम्पनीमा बोलाउन यो भिसा प्रयोग गर्न सकिन्छ । यस्तो अवस्थामा स्थानीय आधारबाट वा मुख्य कम्पनीबाट वा दुबैबाट भुक्तानी भई एउटै पदमा कार्यरत जापानी कर्मचारीहरूको तलब बराबर अथवा बढी भुक्तानी भएमा कुनै समस्या पर्ने छैन ।
विदेशी प्रधान कार्यालय देखि जापानमा एक प्रतिनिधि कार्यालयमा स्थानान्तरण पनि सम्भव हुन्छ । दर्ता प्रक्रियाहरू बिना आवसीय देशमा सूचना संकलन, बजार अनुसन्धान, र जनसम्पर्क गतिविधिहरू सञ्चालन गर्ने उद्देश्यका लागि प्रतिनिधि कार्यालय स्वतन्त्र रूपमा स्थापना गर्न सकिन्छ । यस अवस्थामा बिक्री गतिविधिहरू भने सम्भव हुँदैन र कर्पोरेट करको अधीनमा पनि हुने हुँदैन । यो प्रतिनिधि कार्यालय न्याय मन्त्रालयद्वारा तोकिएको जापानको सार्वजनिक र निजी संस्थाहरूको अधिनमा हुन्छ ।
“लेखक जापानमा कर कार्यालय र इमिग्रेशन भिसा सम्वन्धि जानकार हुनुहुन्छ ।”
